خيّم الحزن على مواقع التواصل الاجتماعي بسبب وفاة الشيف رمزي إثر نوبة قلبيّة مُفاجئة.
بدورها، ودّعت الممثلة اللبنانيّة ليليان نمري الشيف رمزي بطريقة مؤثرة، فكتبت عبر حسابها على فيسبوك: "هلق عرفت يا شيف رمزي أنك فلّيت. ولأوّل مرةّ بتخونني الحروف شو بدي أحكي وأوصفك، تمنّيت وقلت يا ريت اليوم انقطع الإنترنت وما قريت الخبر".
وتابعت نمري: "كلّ كلام المحبّة ما بيوفوك يا طيّب يا كريم يا محِب يا صاحب الضحكة النابعة من القلب. ما بنسى كيف زرت عليا وقت كانت مريضة، ونظراتك المليانة حنيّة عا قد ما بتحب أهلك، ووقت اتصلت فيي وقلتلي اطلعي انتي و"نحيفة" عالكفاءات ناطرينيك وعرضت مسرحيتي وكان نهار مليان بالخير، بالغدا اللي كنت عاملو للموظفين وعائلات ذوي الهمم، وسؤالك الدايم عنّي ومرورك ع صفحاتي بضحتك اللي ما بتشبه حدا".
وختمت، قائلةً: "صوتي مخنوق ومصدومة تذكرّت لمن حكيتك وقلتلك بتقبل كون تلميذتك واتعلّم كم طبخة ايطالي وضحكت من قلبك قلتلي اطلعي وبعطيكي شهادة زعيمة الاكل الايطالي، وشو بدي قول قصص مهضومة عنك بخاطرك يا صديقي يا مهضوم. الله يرحمك ويصبر عيلتك ومحبينك. ضيعانك يا شيف تموت ويبقوا الأشرار بهالدني. يا تقي ومؤمن ما فينا نقول إلا حكمتك يا رب ولتكن مشيئتك. إلى اللقاء يا رمزي وعلى رجاء القيامة نصبر".
